Gazal, Hunar ye seekha he phoolon se

Gazal, Hunar ye seekha he phoolon se

Hunar ye seekha he phoolon se hum ne ulfat ka
Ke zakham khate hein aur phir bhi Muskurate hein

Bahut se log mujhe aise aazmaate hein
Wo kar ke dosti phir teer bhi chalat hein

Hawayen tez na jane kyun chalne lagti hein
Chirag jab bhi koi sehan mein chalate hein

Hamari bazm me wo log motabar hi nahi
Sharab peene se pehle se jo dagmagate hein

Na jane gam wo kaha apna har chhupate hein
Ajeeb log hein jo aaj muskurate hein

Aga ye baat he to hum bhi kar ke dekhein ge
Suna he log mohabbat me chot khate hein

Falak pe chaand sitaaron kia zarurat he
Kisi andhere Makan mein unhein bulaate hein

Na jaane poojte hein kyun use Jahan wale
Andhera dekh ke suraj jo doob jata he

Ke jinke saath guzarti he zindagi asgar
kabhi kabhi to hamein wo bhi bhool jate hein

Leave a Comment